L A P SH   Lidhja e Arsimtarëve dhe Prindërve Shqiptarë "Naim Frashëri" në Zvicër

 A L E V     Albanischer Lehrer und Elternverband "Naim Frashëri" in der Schweiz

 L E P A     Ligue des Enseignants et des Parents Albanais "Naim Frashëri" en Suisse

 L I G A     Lega degli Insegnanti e di e Genitori Albanesi "Naim Frashëri" in Svizzera


.................................................................................................................................................................................................................................

LAPSH - Zvicër © Të gjitha të drejtat janë të rezervuara - info@lapsh.ch - Web Design L. Hasi


Kurrikula e shkollës shqipe të  mësimit plotësues në Diasporë Plani mësimor kornizë


Intervista

me Profesor

Dr. Dr. Basil Schader


 








Nga Abas Fejzullahi



LAPSH“ Naim Frashëri“ për Kantonin Aargau dhe Solothurn më 21 Qershor 2014 në Windisch/AG, nga ora 16:30-18:00, shfaqi me sukses para pjesëmarrësve të pranishëm në sallë programin e larmishëm festiv, me rastin e përfundimit të vitit shkollor 2013/14.


Mësuesja Arbresha Ibrimi, nga Solothurni si folëse dhe udhëheqëse e programit, pas nderimit që ju bë imnit kombëtar nga pjesëmarrësit e pranishëm në sallë, hapi manifestimin me një fjalim të shkurtër por mjaft përmbajtësor paraqitur në vijim (lexuar edhe në gjuhën gjermane nga nxënësja që ka vijuar mësimin plotësues në gjuhën shqipe z. Shkurte Kovani).


Të dashur nxënës, të nderuar prindër, mësimdhënës, mysafirë dhe bashkatdhetarë

Sivjet mbushen 24 vite që kur Lidhja e Arsimtarëve dhe Prindërve Shqiptarë „N. Frashëri“ në kantonin e Aargaut në Zvicër e ka shndërruar në traditë organizimin e Manifestimit me rastin e përfundimit të suksesshëm te çdo viti shkollor. Kësaj radhe këtë manifestim e përkrah edhe LAPSH „Naim Frashëri e kantonit të Solothurnit, ku bashkë kanë përgatitur programin që do ta përcjellni në vijim.


Me këtë rast nxënësit tanë, gjegjësisht fëmijët tuaj, do të paraqesin aftësitë e tyre në këndim, recitim e vallëzim duke na bërë të ndihemi krenar me përkatësin tonë kombëtar. E gjithë kjo nuk do të ishte e mundur pa mbështetjen dhe ndihmën e vazhdueshme që kanë dhënë bashkatdhetarët tanë, prandaj një falënderim i madh shkon për ta, si dhe për institucionet përkatëse vendore të shtetit Zviceran”.


Fjalën përshëndetëse në gjuhën shqipe dhe gjuhën gjermane e paraqiti z. Riza Demaj, përgjegjës kryesor i LAPSH” Naim Frashëri” për kantonin Aargau, i cili fillimisht, falënderoi nxënësit, mësimdhënësit, prindërit dhe përfaqësuesit e institucioneve Zvicerane dhe të Republikës së Kosovës, si dhe mysafirët e tjerë të ftuar e të pranishëm. Ai falënderoi nxënësit, mësimdhënësit dhe prindërit për punën e tyre të madhe në ruajtjen e gjuhës së origjinës përmes mësimdhënies dhe mësim nxënies në shkollën shqipe si dhe ndihmësen e institucioneve vendore Zvicerane në përkrahjen dhe krijimin e kushteve të përshtatshme për mësimin plotësues në gjuhën shqipe.


Manifestimin e përshëndeten me fjalë miradije dhe bënë thirrje për të vazhduar punën dhe bashkëpunimin e ndërsjellët edhe përfaqësuesit nga institucionet e Republikës së Kosovës z. Sali Sefa, konsull në Zürich, Shukrije Ramadani, drejtoresh e Qendrës Kulturore në Zürich, kryetari LAPSH” Naim Frashëri” për Zvicër z. Nexhat Maloku.


Fjalimi shumë përmbajtësor i z. Martin De Boni, kryetar i shkollave në Windisch me rastin e përshëndetjes si dhe i mysafirit tjetër, veteranit të arsimit nga Kosova Lindore-Medvegja z. Rexhep Abazi.


Në programin e larmishëm të shfaqur para pjesëmarrësve u dëshmua veprimtaria dhe përkushtimi i mësimdhënësve dhe nxënësve nga kantoni Aargau dhe Solothur. Znj Arbresha Ibraimi, Fitnete Bala, Eshtrefe Nuhiji, Hamzë Morina, Halime Vishi, Elfete Hysenaj-Gashi, Mandushe Sadolli si dhe prindër e veprimtar të tjerë të shkollës shqipe.


NJË TRADITË FESTIVE NË VAZHDIMSI E SHKOLLËS SHQIPE NË KANTONIN ARGAU DHE SOLOTHURN

























7 MARSI SI SHENJË KULTURORE NË EPOKËN E SOTME


Të shtunën, më 9 mars 2019, nën kujdesin e veçantë të Lidhjes së Arsimtarëve dhe Prindërve Shqiptarë “Naim Frashëri” në Zvicër, në bashkëpunim me Ministrinë e Diasporës dhe Investimeve Strategjike u zhvillua një ceremoni festive në nderim të 7 Marsit 1887, themelimi i “Mësonjëtores së Parë Shqipe”. Në sallën e restorantit Glattof në Glattbrugg afër Cyrihut u mblodhën mësues, pedagogë, nxënës, prindër e të ftuar. Një festë e bukur me plot emocion dhe dashuri, siç janë festat e vërteta. Dhe festat, të përbashkuara më figurën e mësuesit dhe nxënësit, janë edhe më të bukura, sepse mbajnë fisnikërinë dhe magjinë e dijes brenda.


Pritja vëllazërore filloi që nga hyrja në festë - nga mësuesi veteran zoti Hasan Spahiu.

 

Mbrëmjen festive e hapi mësuesja Afërdita Veliu (Cyrih) paraqiti programin; “Në ketë kuadër janë përfshirë disa data, si:17 Shkurti – Dita e Pavarësisë së Kosovës, 7 Marsi - Dita e mësuesit, 8 Marsi dita ndërkombëtare e gruas dhe 11 marsi e pranverës ‘81” tha. Më pas freskinë e sollën tingujt e ëmbël të recitimeve nga nxënës të talentuar.


Në mbrëmjen produktive të festës, ashtu sikundër dhe ishte planifikuar dhe detajuar nga bashkë organizatorët e saj, të pranishmit i përshëndeti zoti Naser Ulaj mësues dhe Kryetari Këshilli Kantonal (LAPSH) të Cyrihut.


Në ketë mbrëmje fjalën e mori zonja Nazane Breca Ambasadorja e Republikës së Kosovës në Bern foli për rëndësinë e datës 17 shkurt 2008.” Te nderuar të pranishëm rruga e Kosovës drejtë pavarësisë ishte një rrugë përplot me vuajtje, dhimbje e sakrifica por në të njëjtën kohë ishte një rrugë përplot mburrje dhe krenari. Procesi shekullor drejt lirisë nga pushtuesit asnjëherë në asnjë çast nuk arriti të dobësoi shpirtin liridashës të shqiptarit. Rezistenca popullore gjeti përkrahjen në forma nga më të ndryshmet, nga pena e fjala, në besnikëri e solidaritet e deri në kryengritje të armatosur.

Sot kujtojmë qëndresën e popullit tonë si sinonim i kësaj rruge drejtë lirisë.

Kosova nuk do të harroj asnjëherë gjithë veprimtarët dhe patriotët falë angazhimit të së cilëve ajo sot ndërton të ardhmen e saj të ndritur. Populli i Kosovës përkulet para gjithë atyre të cilët kontribuuan për çështjen kombëtare, duke na e mundësuar ne dhe brezave që vijnë të jetojmë një jetë të dinjitetshme dhe njerëzore.” Ajo si çdo herë u bëri thirrje prindërve” Dërgoni fëmijët në shkollimin plotësues në gjuhën shqipe në kuadër të LAPSH-it! Gjuha shqipe është baza e ndërtimit të personalitetit të fëmijëve tuaj!”


Më tej zoti Nexhat Maloku, mësues,  kryetar disa mandatesh i LAPSH- it uroi dhe hodhi një vështrim mbi organizimin e mësimit plotësues shqip në Zvicër.

“Të nderuar mësues dhe mësuese! 7 Marsi, dita e nderimit të mësuesit, më jep kënaqësinë t’ Ju përcjell me shumë respekt dhe mirënjohje urimet më të sinqerta për Ju, familjet tuaja dhe nxënësit që mësoni. Ju jeni siguria e procesit të pandalshëm të mësimit plotësues shqip në Zvicër. Aktualisht mësimi plotësues i gjuhës shqipe zhvillohet në 15 kantone janë 1800 nxënës që ndjekin mësimin shqip. Sonte janë të pranishëm përfaqësues të këtyre Këshillave Kantonale. Arau, Bern, Basel Land, Cyrih, Friburg, Glaruesi, Jura, Solothurn, Gjenevë, Vaud.

Për të festuar me ne sonte kanë ardhur Prof. dr. Naxhi Selimi nga SHLP Schwizit, mësuesja zvicerane Annelies Schneller, mësuesja Nexhmije Nussbaumer etj. I ftuar ka qenë edhe ambasadori i Shqipërisë, z. Ilir Gjoni i cili për arsye objektive nuk mund të jetë i pranishëm në festën tonë. Në pamundësi për të ardhur përshëndetje të përzemërta keni nga anëtarët e nderit të LAPSh, dr.dr. Basil Schader dhe zonja e tij Erica Bauhofer-Schader”.


Por tjetër ide e përbashkuar me festat na nxit të hedhim vështrimin tek një nga problemet e vazhduara të shkollës sonë cekura edhe nga zoti Gëzim Kasumaj, prind anëtar i kryesisë pranë Këshilllit Kantonal të Cyrihut, shtrojë nevojën për një përkrahje sa më gjithëpërfshirëse të prindërve dhe fëmijëve shqiptarë në mësimin e gjuhës shqipe.   


Zoti Nuhi Gashi, përgjegjës i njësisë për shkollat shqipe të mësimit plotësues jashtë atdheut. Duke marrë fjalën, u shpreh se ndihej i nderuar të përshëndeste të gjithë mësuesit dhe prindërit për përpjekjet e tyre në organizim të mësimit shqip. Duke shprehur vlerësim dhe respekt për misionin fisnik të mësuesit, si u shpreh ai se me këtë mision, ata janë dhe do të mbeten promotorë kryesorë të dijes dhe zhvillimit të ruajtjes së gjuhës shqipe larg atdheut.


Në vijim vuri theksin në faktin se, Ministritë përkatëse në Kosovë dhe në Shqipëri, punojnë së bashku, koordinojnë dhe hartojnë politika dhe programe të përbashkëta për zhvillimin e mëtejshëm të arsimimit të fëmijëve shqiptarë në Diasporë. Por, sonte shpreh brengën time nga mos prania e përfaqësuesve diplomatik të Ambasadës së Shqipërisë në Bernë.


Ndërsa për përvjetorin e 38-të të 11 marsit apo Pranvera ’81, ka folur mësuesja dhe veprimtarja e njohur, Saime Isufi.


Në ketë eveniment ishin të pranishëm edhe miq e të ftuar tjerë: zoti Skënder Nikoliqi nga Këshillimorja për Arsimim dhe Këshillim të Migrantëve në Basel, zoti Shefqet Cakolli nga SHKA «Dardania» Winterthur, zoti Orhan Spahiu dhe zoti Ardian Retkoceri nga shoqata Kuvendi Shqiptar në Zvicër, gazetarët Rexhep Rifati nga Prointegras dhe Sevdail Tahiri nga Albinfo.ch.


LAPSh “N. Frashëri” në Zvicër përpos punës së vazhdueshme në ruajtjen e identitetit të fëmijëve shqiptarë dhe zgjerimit të njohurive të tyre gjuhësore dhe në fushën e historisë e gjeografisë kombëtare, i ka përkrahur fort ata edhe në fushën e integrimit në shoqërinë zvicerane. Në vazhdën e kësaj pune, Lidhja fitoi shumë miq dhe figura të shquara të jetës publike, shkencore, kulturore e sportive.

 

Ndaj dhe kjo festë për Ditën e Mësuesit është shprehje e një pune të vazhdueshme që është bërë për një shkollë kualitative, në kuadër të së cilës kanë punuar e punojnë mësuese e mësues me përkushtim të vazhdueshëm.


Autori i fotografive: Lulzim Hasi


Delemont, 11.03.2019                                                              

 Nexhmije Mehmetaj






7 MARSI SI SHENJË KULTURORE NË EPOKËN E SOTME